東網電視
更多新聞短片
女圑COLLAR成員Ivy So有份參演的ViuTV原創劇《飛黃騰達》，講述一眾參賽者在投資大賽中備受情義和底線的考驗，有關成長和友情的故事。被劇組寵溺餵食的Ivy So（蘇雅琳）指今次嚴格戒口，不過就笑言被同劇演員和幕後搞到好大壓力：「如果嗰排有Show或者有拍攝嘅話就會食少啲。佢哋就會問做咩唔食嘢？但係如果我一完咗個Show食番嘢，佢哋就會話做咩食嘢呀？會肥㗎！真係好難捉摸呀。」有份拍攝的陳安立（Brian）就爆Ivy So有個花名叫「蘇總」，她無奈地解釋指：「佢哋成日笑我水腫嘅時候就係『蘇腫』。」
同劇的黃浚銘（Boris）和黎展峯（Andy）十分佩服Ivy So，因為就算只有4至5小時休息時間，她都十分堅持要做運動。Andy亦大爆她為食的一面：「最深刻係有次要拍打交嘅戲份，大家要用薯片去互相襲擊對方。一Cut機，佢就去執枱面嘅薯片嚟食。」
Ivy So似乎都好得劇組歡心。
成日餵佢食嘢。
但又嗌佢「蘇腫」…
佢仲被爆執枱面拍劇剩低嘅薯片嚟食。
