東網電視
更多新聞短片
內地前NBA球星姚明係出名嘅巨人，身高有2米26，而佢嘅太太葉莉同樣係籃球員，有1米9高，佢哋嘅女兒姚沁蕾當然都高人一等啦！日前有網民捕獲佢哋一家人外出食飯，依家13歲嘅姚沁蕾快高長大，佢同媽媽行埋一齊視覺上身高已經差唔多，目測有近1米9高，絕對遺傳咗父母嘅最強基因，令網民大嗌好羨慕！雖然姚沁蕾已經咁高大，但係佢嘅外貌依然係同小朋友一樣，所以整體外形反差感極大，有網民指佢依家先係青春期階段嚟緊仲有排高，隨時會過高爸爸都唔出奇呀！
姚明13歲女兒（右）同媽媽（左）差唔多高。
前NBA球星姚明。
