連詩雅元宵節公布喜訊　宣布懷孕：2024最大嘅禮物！

今日元宵佳節，藝人連詩雅於社交網報喜，透露與陳家樂造人成功：「一直都係處於平常心，同埋順其自然嘅態度，等待上天嘅安排。2024收到一份最好嘅禮物，好感動、感恩、期待Summer BB既來臨，祝大家元宵節快樂！家庭又變大了，有點不可思議嘅感覺，仲有點緊張將會做父母，陳生話仔女都好都要培養佢鐘意曼聯。」她更大晒超聲波照及孕照，已經見肚，家樂則從後攬實老婆，表現甜蜜。

連詩雅透過經理人回應東網，指：「好開心終於可以同大家公布呢個喜訊，我哋一直抱住平常心等待上天嘅安排，嚟到2024居然收到呢份最大嘅禮物，知道一刻，好開心興奮同時好緊張，希望一切順利，寶寶今個暑假平安健康嚟到同我哋見面。」陳家樂則回應東網指：「2023年我們一起攜手踏進人生另一個階段。感恩2024年迎來我們另一個重要的時刻！終於可以跟大家正式宣布這個喜訊，我們非常期待迎接新生命的到來，並相信這一個小小的生命將為我們帶來無限的喜悅和幸福。7月小寶寶就同大家見面，希望一切順利。謝謝各位家人，朋友及媒體朋友的祝福。祝各位元宵節快樂。」