東網電視
更多新聞短片
無綫選秀節目《亞洲超星團》成團，選出9位成員出道，分別係奧利 、李權哲、冼靖峰 、江信熹、梁詩煜、文佐匡、黃奕斌及陳梁組成LOONG 9，所謂人紅多是非，組合一出道即惹爭議，當中香港代表文佐匡能夠入圍，就被踢爆指有人「課金」50萬投票，令佢由10幾名名次，喺決賽當晚一下衝到第7名，質疑佢靠財力取勝。
LOONG 9最終9人成團。
文佐匡名次大躍進，被指係靠「鈔能力」。
團體logo亦同樣被轟，網民翻查資料，2018年內地爆紅選秀節目《偶像練習生》所選出嘅隊伍NINE PERCENT，並logo同LOONG 9 Logo竟有9成相似，尤其模仿皇冠造型撞晒concept，疑似抄襲。
Logo就同「師兄」NINE PERCENT當年個logo好似。
NINE PERCENT出道時紅爆內地，頂流范丞丞及蔡徐坤都係隊員。
