東網電視
更多新聞短片
天王郭富城索妻方媛向來美貌出眾，Model出身嘅佢以前上過節目又影落大批靚相，因此成日被網民拎舊照出嚟對比個樣。日前方媛就上載咗跳舞片，見佢留言道：「今天化了妝捲了頭髮，姐姐說：媽媽你變回年輕時的樣子了 #賣個萌」
方媛不嬲靚。
又聽教聽話冧暈郭富城。
片中方媛皮膚白滑零瑕疵，依舊眼仔大大面尖尖，不過有網民就留意到佢鼻翼兩旁多咗兩條「深坑」，同平時對比即顯奇怪，留言問道：「鼻子咋了？怎麼有兩道杠，我還以為畫的」不過對慣網民嘅方媛，親自大方回應直認開咗filter：「濾鏡自帶瘦臉、鼻影」高情商又唔會得罪網民，仲唔介意畀網民知佢開filter「造假」。另外亦有網民批評佢件冷衫起毛粒、跳舞節奏感唔啱、動作太大等，證明天王嫂真係唔易做。
網民話佢鼻翼兩旁多咗兩條「深坑」，好奇怪。
方媛話只係filter問題。
同平時見人都差不多樣。
