方中信女兒同港姐媽咪似餅印　成香港馬術隊騎手望進軍亞運

藝人方中信與太太莫可欣於2008年婚後誕下女兒符迦晴，不知不覺，依家符迦晴已經16歲，長得亭亭玉立，同前港姐冠軍媽咪莫可欣，十足餅印一樣！

佢從少熱愛運動，7歲已開始學習策騎，專攻馬術三項賽，屢次於比賽中獲得佳績，更入選香港青少年馬術隊，佢自細就讀國際學校，早前接受電台訪問時表現活潑，十分可愛！被問到點樣可以同時兼顧讀書同騎術訓練，喺黃竹坑返學嘅佢，表示每朝7點要出門口搭校巴，下午3點半放學後就會去練習策騎，到晚上7點返屋企同父母食飯，之後就要努力做功課，生活過得好充實。而佢仲為自己定下目標，就係想參加亞運會，唔少網友都有同佢打氣呀！