黃心穎老公泥鯭完美融入黃氏家族　獨欠黃母未有出席

藝人黃心穎走出「安心事件」陰霾，復出出新歌嘅佢，去年10月同樂隊RubberBand鼓手泥鯭（黎萬宏）拉埋天窗，生活幸福美滿。而今日（28日）係黃心穎大家姐黃心美42歲生日，加上二家姐黃心妙嘅老公喺4月初生日，因此一家人亦特登提前一齊慶祝，並大晒溫馨合照，其中黃心穎姐夫更同泥鯭攬頭攬頸，雙方關係認真老友又親密。

雖然黃心穎及黃心妙都紛紛喺社交網晒出慶祝生日嘅相，但壽星女黃心美則顯得相當低調，未有喺社交網晒出相關照片。另外，黃心穎嘅爸爸黃沛霖同黃心妙老公同月同日同生肖，因而每年生日都會一齊慶祝，可惜黃父於去年逝世，未知黃母係咪驚觸景傷情嘅關係，繼而未有現身生日派對。