CHILL CLUB︱Serrini廁所去到一半拎女歌手獎

歌手Serrini在昨日（12日）舉行的頒獎禮中，擊敗陳蕾及Gin Lee奪得「年度女歌手」獎，她稱剛才在洗手間時突然有工作人員拍門通知她獲獎，她笑言證明她是最後一刻才知道結果：「初時以為係金銀銅3人平分，後來先知係得我一個人攞，可能ViuTV最近播緊我拍嘅綜藝節目《漁樂無窮》，家庭觀眾每晚都見到我，所以先投票畀我。我好開心同驚訝，伴隨住可以宣傳我嘅新碟。」問她是否可以上台趁機「搲撈」？她直言很喜歡為其他歌手填詞寫歌：「我經常會去唔同地方音樂節，會搭長途機同火車嘅時候可以寫歌。」至於為何認為陳蕾會得獎而不是自己？她說：「因為我好鍾意陳蕾，佢唱歌好好聽，我有睇陳蕾嘅演唱會，我係擘大口咁睇，如果要我咁demanding開一場演唱會係好困難，因為我攰咗係會唱得hea，但陳蕾同Gin Lee都唱得非常好。（但依家贏咗佢哋。）唔係，觀眾只係唔小心投咗票畀我，唔係代表贏咗，都係一種壓力，但都係好嘅。」她稱除了寫歌外，亦很想跟不同導演合作拍MV以影像去呈現。