東網電視
更多新聞短片
台灣新生代演員王淨同型男曹佑寧自認愛後，愈愛愈高調，即使2人工作排滿檔，仍不時喺社交網高調放閃，恩愛足迹更係遍布日本、台灣。而日前，曹佑寧受邀為富邦球賽開球，不過就被眼尖網友發現女友王淨坐咗喺VIP席，睇男友曹佑寧球場上嘅帥氣身姿，恩愛畫面認真閃到盲。
愈愛愈高調。
日前，曹佑寧受邀擔任富邦勇士隊例行賽開球嘉賓，為咗配合當日嘅「仲夏戀曲」主題，曹佑寧更換上球隊推出嘅限定粉色波衫，望落更係猶如一位充滿陽光氣息嘅鄰家小男孩。而值得一提嘅係，宣傳片中曹佑寧亦有呼籲球迷攜眷出席，未料當日曹佑寧竟然真係「攜眷出席」，只見坐喺VIP席嘅王淨，雖然頭戴Cap帽，一身休閒打扮現身，不過精緻迷人嘅臉蛋依然相當搶Fo，唔少球迷更係一眼就認出王淨。
王淨坐喺VIP席睇男朋友表演。（圖：中時電子報）
閃到盲！（圖：中時電子報）
