趙露思陳偉霆情侶裝旁若無人　錫錫畫面曝光

內地「甜寵女神」趙露思同陳偉霆合作主演劇集《許我耀眼》，俊男美女組合已經令網友期待，當中更係想睇二人嘅感情線，近日二人去到街頭拍攝親熱場面，就旁若無人咁當眾咀嘴，有粉絲就拍下二人錫錫畫面，睇到網友尖叫！

見二人同樣以米色打扮示人，陳偉霆着上緊身上衣，完美健碩胸肌曲線展現人前，而趙露思則着上露肩上衣襯長褲，顯得佢格外小鳥依人。畫面見到趙露思走到去陳偉霆面前摸手仔，又為對方戴上太陽眼鏡，陳偉霆用手指輕指自己嘴唇，二人隨即蜻蜓點水式咀嘴，甜蜜度直達100%，唔怪得淨係睇路透，網友已經等緊劇集正式上架狂煲！