Tyson Yoshi過最後單身牛一 魏浚笙叫女友向佢求婚
2024年07月17日 14:04
東網電視
更多新聞短片
![](/hk/bkn/cnt/entertainment/20240717/photo/bkn-20240717140407636-0717_00862_001_01p.jpg?20240717142522)
型男魏浚笙(Jeffrey)與好友Tyson Yoshi(TY)今日(17日)現身銅鑼灣出席香水活動,吸引大批粉絲到場圍觀。大會安排推出跑車型生日蛋榚,為今日30歲生日的TY慶祝,此時有人「贈興」大叫其死敵Kayan9896名字,壽星仔充耳不聞。
受訪時談到「單身最後一個生日」,Tyson 笑說:「應該係嘅。(有咩生日願望?)希望今年年尾喺英國搞完演出後,下年再喺香港完自己場大騷(演唱會),然後再結婚。」他更透露婚禮將在外地舉行:「到時完咗可以順便chill番1、2個星期,同埋希望班朋友嘅檔期全部都得,可以齊齊飛走,如果大家到時發現突然間好多歌手去咗嗰個國家拍MV,就知乜事啦。」
對於是否邀請Jeffrey當兄弟團,Tyson答:「佢梗係有份啦,但我未諗細節住,要先影咗輯靚相,跟住正式提出邀請,未婚妻要求我咁做。」問Jeffrey見證Tyson求婚成功,是否搞到心癢癢,他笑答:「感動嘅。(感動不如行動?)根據呢10年嘅相處,相信我女朋友比較實際,唔喜歡驚喜,反而我有少女心,或者調番轉佢向我求婚囉,我一定應承。(咁可能求完婚,婚禮畀番你落手落腳去搞。)呢樣冇問題喎。」
談到生日如何慶祝,TY直言活動完結後會飛往台灣,拍MV及出席活動,由於行程忙碌,未婚妻亦不會隨行。他補充:「男人生日好少搞好多嘢嘅,遲啲再約Jeffery飲杯咖啡,又或者一齊食蛋白質同健身囉。」而Jeffery被發現右手手腕貼上膠布,他解釋:「我喺屋企整壽喜燒食,點知辣親!(唔驚留疤?)男人留一、兩條疤先型。」Tyson搞笑提議Jeffery紋上女友名字遮擋,搞到全場起哄爆笑。另外,對於有人提起Kayan9896,TY繼續笑說:「唔知你哋(記者)講乜喎,再講我走㗎嘞!」