鮮娛糧丨陳蕾古淖文率「星光一班」Re-U　網民叫羅力威挑戰《中3》

近年《聲夢傳奇》、《中年好聲音》等歌唱選秀節目熱爆，其實亞視早在2009年，曾舉辦過類似的節目《亞洲星光大道》第一季，近日「星光一班」的參賽者，就聯同當年的評判主持原班人馬Re-U，掀起回憶殺。

相片中可見除了有剛在澳門開個唱的陳蕾，還有《中年好聲音2》冠軍古淖文，就連當年的「冠軍王」羅力威亦激罕現身，他以中間分界配以透明眼鏡，打扮相當隨性，跟當年的長髮造型判若兩人，幾乎唔認得，唯獨亞軍「道路收費員」亢帥克未有出現。至於評判主持方面，曾寶儀、林曉峰、周國豐、張佳添等都有到場，場面相當熱鬧。難怪網民紛紛留言：「回憶返晒黎」、「當年集集追」、「未齊人！亢帥克？」，甚至有人建議羅力威去參加《中年好聲音3》，再贏多一次。