東網電視
更多新聞短片
巴黎奧運逐漸進行至白熱化階段，多名港隊代表將先後出擊，今年多位體壇新秀外型出眾，成為市民追捧新對象。繼「劍神」張家朗被網友洗版式力撐，香港男子游泳健將何甄陶（Ian）亦同時彈出，雖然尋日（30日）佢出戰100米自由泳初賽，未能躋身前16位的晉級名額，初賽止步，不過佢將於8月2日轉戰50米自由泳初賽，大家又有得見佢爆肌上場。
100米自由泳初賽大家睇咗未？
何甄陶係今屆奧運港隊唯一男泳將。
入水能入，出水能Chok。
何甄陶係游隊今屆奧運唯一男泳將，除泳術吸引人注意外，高大兼爆肌嘅外形亦係不得了，勁有陽光，深受網民歡迎。出生於美國嘅何甄陶，原本喺維珍尼亞理工學院暨州立大學修讀博士學位，不過2018年為游泳暫時休學。何甄陶曾多次打破香港50米自由泳紀錄，喺2021年以21秒97達50米自由泳A標並取得奧運A標，成為香港第一位以A標直入奧運嘅男泳手，創下香港男泳將歷史。今次佢100米自由泳初賽上場失利，但賽後獲「師兄」方力申親自做訪問，都係佢奧運旅程嘅意外收穫。
今次佢都有同「劍神」張家朗等猛將大合照。
淨係睇身形都知不得了。
本身美國出世嘅佢，叻仔到讀博士學位，不過佢為游泳而放棄。
雖然100米自由泳初賽失利，不過就有得見「師兄」方力申。
賺番晒。
