周啟生認辣火頭為個唱炒怍 增加知名度在內地大展拳腳
2024年08月13日 17:01
東網電視
更多新聞短片
![](/hk/bkn/cnt/entertainment/20240813/photo/bkn-20240813170102772-0813_00862_001_01p.jpg?20240813170102)
音樂人周啟生不時公開批評時下歌手和藝人,語出驚人獲封「樂壇判官」。他曾評擊陳蕾「彈結他甩皮甩骨,唱歌近乎離晒譜咁走音。」再暗指《中年好聲音2》評審楊千嬅「完全沒水平」。早前,他再狠批林家謙為「嗰條廢青」,又怒罵他的粉絲:「X你唔起呀?」事件持續發酵,連Joey Tang都未能幸免:「如果我喺度講一聲,Joey Tang有領導才(能),彈結他有天份,但係欠缺努力,所以唔會好叻!你哋可以同返佢講、睇吓佢敢唔敢博(駁)我!」他亦有指盧冠廷是「吹水友」,「只可以作一啲旋律,並非一個真正音樂家。」
近日,他又在社交平台多次提及自己10月1日的Show,發文:「如果搵埋80年代廢青嘅代表-Joey Tang 做嘉賓,大家點睇?嗰班搞屎搞棍嘅記者,又要自打嘴巴啦!PS : 嗰班妒忌我嘅盲迷,唔使再吠啦,我唔係行出嚟宣傳谷個show!我係鍾意講咩就講,我講一句嘢幾十萬人睇到,你哋班狗fans,繼續圍爐取暖鬧我啦,冇人會知㗎!哈哈大笑」他稱傳媒搞是搞非用盡努力想整衰他、唯恐天下不亂,不負責任地對他作出不合理指控,認為傳媒應向他公開道歉。
突然他又轉風向,指傳媒報道變相幫他免費賣廣告,現時他出街都多了靚女跟他打招呼,他又說:「啱啱有幾個國內嘅Promoter打嚟搵我做show,唔知會唔會同佢哋嘅宣傳有關。」、「我喺度多謝大家一聲,我接多咗好多嘢做,要請你哋食飯。細佬發脾氣鬧你哋係我唔啱,麻煩你哋得閒繼續耐唔中就整一個禮拜宣傳俾我!感恩感恩,感恩感恩。哈哈大笑 哈哈大笑 哈哈大笑」
今日(13日)凌晨,他指有朋友叫他別介懷負面報道,之前曾拒認炒作的他,大談自己作為「老江湖」的經歷,改口說:「我197幾年就喺TVB跟住顧嘉煇師傅,喺呢個音樂圈打滾咗50年,其實今次嘅事係我夾埋一班新聞界嘅朋友,一齊炒出嚟㗎。」
周啟生解釋自己炒作的兩個原因:「今次嘅炒作一方面可以令到我嘅名氣更加大,令一方面可以幫另一位藝人降一降溫!我得到嘅益處就係,全中國嘅網站都見到我嘅新聞,國內嘅人大多數都支持我,嚟緊方便安排,我再次喺大陸大展拳腳。如果要俾錢宣傳,我估要成千萬!一輪擾攘之後,一切變得平靜。我反而有一點兒不習慣。而家交返個波比嗰一位是非纏身嘅男歌手接力啦!哈哈大笑 哈哈大笑 哈哈大笑」他再在留言欄問:「我嘅演技係咪可以攞影帝啊?」