東網電視
更多新聞短片
無綫應屆港姐特備節目《2024香港小姐 女．遊記》正在熱播中，視后江美儀及港姐出身的邵初負責帶領（1）陳紫佟（Jessie）、（10）吳芷靖（Clary）和（13）程姜月（Dolores）玩轉新加坡。期間3位佳麗親自揀選娘惹服飾，一行人到當地坤成路彩色屋打卡，別有一番風味，及後又轉戰聖淘沙遊玩，先到水上樂園體驗彩虹礁游，浮潛期間3位佳麗都不諳水性，程姜月不慎濁親爆喊，要江美儀姐安慰並教導潛水技巧。
一行人又乘坐七彩繽紛的Sidecar暢遊新加坡，3位佳麗順道落區拉票，之後又到訪當地著名的榴槤甜品店朝聖，不是榴槤控的陳紫佟及吳芷靖表現得十分抗拒，最後頂硬上吃了少許，但已面露難色兼飆晒汗，相當搞笑。旅程最後一站安排她們坐遊覽船觀賞夜景，江美儀趁機苦口婆心提醒佳麗們：「你哋畀我感覺太依賴人，每次都會提你哋去邊、執好啲妝同衫，好似遊魂咁，係咪咁樣做嘢㗎？」陳紫佟聞言即爆喊道歉：「對唔住，我會改善，會再認真啲！」江美儀解釋：「我恨鐵不成鋼呀！」
陳紫佟
吳芷靖
程姜月
穿上娘惹服飾。
準備玩水。
小心濁親。
好驚驚。
興奮。
睇夜景。
好香艷！
江美儀鬧爆！
喊晒！
