鮮娛糧丨陳奕迅大連巡唱激罕放閃　晒貼頭合照甜度爆燈

近日喺內地大連舉行巡迴演唱會嘅「歌神」陳奕迅（Eason），工作之餘亦不忘同老婆徐濠縈拍拖放閃，只見Eason喺社交網晒出數張同老婆喺夕陽下嘅甜蜜合照，並分享道：「嗯…聽說大連很浪漫！完。」罕見嘅放閃舉動亦引嚟唔少網友留言道：「閃到盲。」、「甜度爆燈。」

另外，Eason早前打網球時中暑暈倒而受傷，最近趁返港期間有幾日假期，亦相約好友到網球場打波，似乎想走出打網球時受傷的陰霾。當日Eason身穿橙色上衣搭配紅色短褲，打波時活力充沛，不停跳來跳去，擊球充滿力度。而早前，有內地網民拍得他飛抵大連，為今日舉行的巡唱作準備，不少粉絲前來接機，Eason為了不讓歌迷失望，即禮貌地接下禮物。