李多慧等紅燈被巧遇　零偶包整豬鼻扮醜

韓籍啦啦隊女神李多慧，自宣布定居台灣後，不時被網友喺街上巧遇，特別自從李多慧學識揸電單車後，更成日喺等紅燈期間被捕獲。日前，結束應援工作後揸電單車返屋企嘅李多慧，又再被網友巧遇，只見着上格仔襯衫配短褲嘅佢，仲戴住應援團長送畀佢嘅安全帽，而喺等紅燈期間，親民嘅李多慧唔止同球迷閒話家常有講有笑，臨走前仲對住大家整豬鼻扮醜，認真直率可愛。