港姐2024︱「城大李嘉欣」倪樂琳大熱奪冠　梁嘉莹楊梓瑤分別奪亞、季軍

《2024香港小姐競選決賽》冠軍終於揭盅，今晚狀態大勇23歲的「城大李嘉欣」倪樂琳眾望所歸，摘下后冠。至於22歲的梁嘉莹全晚表現不俗，成雙料亞軍，而現年21歲狀態甚佳的楊梓瑤勇奪季軍外，亦同時奪得「才藝女神大獎」及「智囊百選女神大獎」。

冠軍倪樂琳、亞軍梁嘉莹、季軍楊梓瑤一齊受訪，倪樂琳對奪冠軍大表開心，並指要多謝網民給了她「翻版李嘉欣」這個稱號，亦感激網民支持：「有網民整咗啲片畀我，我都唔敢睇驚喊。（會唔會覺得自己贏在口才？）都係，美貌與智慧並重。」之前曾說過不會哭的她，最後都忍不住哭了，她笑言見到師姐們實在太感動，至於完了比賽最想做甚麼？她笑言好想食快餐同瞓覺。

同是大熱的梁嘉莹被問到只奪得亞軍，會否感到很可惜？她則表示：「每個人都有唔同睇法，我對自己成晚嘅表現都好滿意，會畀自己一百分。（邊Part表現最好？）才藝表演，眼神夠銳利。」談到有無想過自己會同時奪得「最上鏡小姐」？她都非常坦白：「都估到，都有心理準備，因為由細到大，都有人讚我上鏡好好睇，所以都有信心。」

季軍楊梓瑤則指自己沒想過奪得三甲，覺得自己輸在口才差少少：「太緊張，有時都唔係好清楚條問題問乜。（知道楊枝金露唔係餸未？）知，只係想搞吓笑，本身真係好喜歡食（楊枝金露)。」記者再她究竟知不知道甚麼是兩餸飯，她笑言：「知呀，成日喺TVB食。」

無綫總經理曾志偉於港姐決賽後接受傳媒訪問，他指做了多年港姐，唯一一次四甲tip中，指今年水準高，佳麗表現好，又給「全女班」主持90分，相當滿意。但當記者問到有關之前他與內地網紅「瘋狂小楊哥」做直播月餅帶貨，月餅實際產地受到質疑，不過志偉一聽到「月餅」事件，即時遞咪鬆人，不作回應。