東網電視
更多新聞短片
無綫小花戴祖儀（Joey）最近完成劇集拍攝後，即出走香港，相約一班好友到泰國旅行，見她連日來都在社交網曬出靚相，心情靚爆！只見她入住當地一間複式民宿，寬敞之餘，屋內還有一條滑梯貫穿二樓至地下，每日在室內玩瀡滑梯，十分過癮。
戴祖儀約埋一班好友到泰國旅行。
民宿有瀡滑梯，十分過癮。
直言泰國好多靚仔侍應，視覺享受。
更表示返港即Dry咗好多。
祖儀表示今次快閃泰國三日兩夜，主要是吃喝行街Shopping，大手掃了不少平價T恤，勁讚好抵着。提到食好西，她則笑指泰國好多靚仔侍應：「泰國男士真係好熱衷於鍛煉身材，原來有啲餐廳出名多靚仔大隻侍應生，我哋成班朋友去幫襯，見識到真係好靚仔好大隻，所以嗰餐飯食得好開心，視覺大享受，所以去完泰國之後，個人Dry咗好多，可能天氣太乾，哈哈!」她又透露回港後，再去了韓國玩，自爆身體免疫力下降嚮起警號，她說：「前排身體免疫力下降，有虹膜炎小毛病出現，想趁放假休息畀自己抖吓！」
趁放假好好休息！
