苗僑偉爆當年復出拍劇壓力大：唔可以喺班後生面前失威

藝人苗僑偉（三哥）近日接受譚玉瑛主持的新城節目《QK玉瑛室》訪問，被主持問到三哥名字由來，他說：「有部電影個角色叫三哥，叫得我最大聲係柯受良，佢離遠見到我就好大聲叫三哥，自始就個個都叫我三哥。」

三哥又爆當年復出拍劇集《學警雄心》壓力甚大：「嗰時對住吳卓羲又牙尖嘴利，好大壓力，好多對白，成頁紙對白我講晒，一路訓話，個身已經濕晒，但又唔可以喺班後生面前失威，『嘩，五虎將又NG呀』。」