Lady GaGa加盟續集《小丑：雙瘋》華麗歌舞連場

華堅馮力士（Joaquin Phoenix）憑2019年蝙蝠俠外傳《小丑》（Joker）奪得奧斯卡影帝，故事講述一個精神病人如何忍夠被欺壓而大開殺戒，續集《小丑：雙瘋》（Joker: Folie à Deux）加入百變天后Lady GaGa參演，電影亦由劇情片轉型為歌舞片，故事講述小丑等候謀殺案審訊期間，入住精神病院後，遇上GaGa飾演的另一院友「小丑女」Harley Quinn，發展出偶像與狂迷之間的扭曲愛情，兩人在幻想場面大唱大跳華麗歌舞。

憑上集奪得奧斯卡最佳配樂的冰島大提琴家Hildur Guðnadóttir今集繼續負責創作配樂，亦為15首經典懷舊金曲重新編曲，包括茱迪嘉蘭（Judy Garland）名曲《Get Happy》、史提夫溫達（Stevie Wonder）名曲《For Once in My Life》與Jackie DeShannon名曲《What the World Needs Now Is Love》。

GaGa因為拍攝《小丑》續集，激發到她不少新創意，還創作了一隻受電影啟發的新唱片《Harlequin》，她表示：「雙重身份嘅概念一直係我創作音樂嘅一部份。我音樂上經常會創造角色，當我拍《小丑》時，我角色對我有好深嘅影響。套戲有好多音樂，有好多我鍾意嘅音樂，我可以透過故事、歌舞、服裝同化妝探索到角色。所以我同呢個角色有好深刻嘅體驗，佢喺創作上冇離開我，我決定製作一隻受佢啟發而寫嘅大碟。」