東網電視
更多新聞短片
「實力唱將」李幸倪（Gin Lee）年尾作最後衝刺，為在頒獎禮爭獎作好準備，除為最新派台歌《可惜我們沒有》做宣傳，又接了校園騷，到學校大禮堂跟中學生唱歌、做分享及遊玩戲，現場群情相當洶湧，學生不停舉手機狂拍，又大讚Gin Lee「真人好靚女」，見學生表現熱情，她主動走落台和學生們逐一擊掌，最後當然少不了影大合照。她上載群體相於社交網，留言謂：「遮遮塊面先！」，事實證明女人無論任何身份、地位都一樣貪靚又愛瘦，玩足半日後，她才不捨地離開。
原來Gin Lee開工前已身體抱恙，她又在社交網留言：「工作與工作之間攝時間做一件重要事，你估係咩？」另一張相就見她趴在床上接受針炙治療，見她其中一隻腳插了4支針，而膝頭哥背面位置更瘀黑一片疑似受了傷，真係隔住個Mon都戥她痛，以為她完成一日工作，理應疊埋心水回家，爭取時間休息養傷，但她竟然心大心細謂：「今晚仲去唔去練排球好？」傷住去打波，真係當自己係鐵人？
去School Tour都要靚，遮遮塊面先。
年尾最後衝刺。
係咁影相。
大家都讚佢靚！
加油！
變鐵人。
做針灸。
4支針插在腳。
