東網電視
更多新聞短片
南韓啦啦隊成員李珠珢，有着前凸後翹曼妙身材嘅佢，加上精緻靚樣圈粉無數，而繼早前傳出佢同原經紀公司合約到期，並考慮海外發展，掀起熱議後，日前更有南韓網紅分析李珠珢去台灣發展機率相當高。
依家連韓國網友都建議李珠珢去台灣發展。
據韓媒報道，去年內有約10名南韓啦啦隊員去台灣發展，其中發展最好嘅李多慧，短短1年內就拍咗12個廣告，其他如安芝儇、李雅英等韓籍成員轉戰台灣後，亦同樣獲得唔少上節目、拍廣告機會。對此，唔少南韓網友認為即使係短暫嘅熱潮，但如果可以賺更多錢嘅前提下，海外發展未嘗唔係一件壞事：「去那些尊重你的能力，給予你應得待遇的地方吧！」、「為甚麼拿比外勞更低的薪水留在韓國，沒必要留在韓國消耗青春。」更有網友認為南韓應該向台灣多加學習對待啦啦隊嘅方式：「台灣真的是啦啦隊界的MLB！」
李多慧喺台灣真係吸金有道。
唔少韓國網友都希望李珠珢可以成為李多慧2.0。
