與女星劉玉玲撞樣　七仙羽幫忙分身跑宣傳

所謂人有相似，物有相同，近期網上熱話，都要數玄學家七仙羽與電影《Red One拯救隊》主角、美籍華裔女星劉玉玲（Lucy Lui）撞樣，估不到，除了七仙羽粉絲誤會師傅進軍荷里活，送上各式各樣禮物賀她之外，就連電影公司都邀請七仙羽出席首映禮為電影宣傳，認真搞笑，七仙羽表示：「電影公司搵我嘅時候， 我都好開心、太Magic，講都冇人信，劉玉玲冇嚟香港宣傳，我幫她分身工作，下星期二又要去謝票。（你自己覺得似唔似？）我同佢嘅髮型、面形似，加上大家都係喺外國長大，有啲ABC面孔。」

七仙羽還指老公的外國朋友曾見過劉玉玲，跟七仙羽接觸後，直言兩人的表情、動作都好似，十足孖生姊妹一樣，七仙羽還笑言：「老公仲問我有無興趣去荷里活發展，我答自己年紀唔細又唔靚，點夠膽吖，佢就話我個樣，外國人會好喜歡。」