LOONG 9鮮有合體名存實亡？冼靖峰咁樣答...

「聲夢歌手」冼靖峰（Archie）和黃洛妍（Janees）今日（10日）齊為《萬千星輝賀台慶》綵排，2人表示將在台慶獻唱不同語言的經典改編歌，Archie負責日文，而Janees即唱廣東版本，她說：「其實我都識唱多國語言嘅歌曲，在歐洲時有唱過日文，泰文，菲律賓同越南等語言嘅歌曲。」Archie就覺得公司今次安排最辛苦則是字幕組的同事，要翻譯多國語言。

Archie又透露屆時男團LOONG 9都會有表演環節，但詳情未知，他說：「未知齊唔齊人，亦未排練。」問到男團鮮有合體是否名存實亡？他則說：「唔好咁講，其實我哋都有聯絡，互相鼓勵，之前我返內地都想約佢哋食飯，可惜大家係唔同城市，佢哋上月都推出團歌，（點解你冇份，係咪大細超？）因為我哋唔同嘅Unit，有唔同嘅歌，舞蹈同功能。」

《中年好聲音》歌手周吉佩（吉吉）和譚輝智等，為《萬千星耀賀台慶》表演項目綵排，戴上口罩的吉吉並非抱恙在身，而是為保障11月30日的首個個人演唱會能順利完成，他說：「準備嚟緊喺麥花臣開騷，今年已經試過因感冒兩度失聲，所以去人多嘅地方一定戴口罩。（係咪台慶後就閉關準備演唱會？）其實都閉咗，不過支持台慶先出關啫，做埋1，2個商演就全面準備個唱。」

問到是否欠下不少飛債？他說票務全交由太太代理，已預門票給朋友及黎瑞恩等前輩，更廣邀《中年好聲音》所有歌手朋友來睇騷。問可會在騷上騷肌，他直言不會刻意：「都係若隱若現嗰啲，都有向輝智張爆肌個唱海報為進發，進展OK嘅，但有時忍唔到口，因為都需要食嘢補充體力。

他直言曾因壓力大而跟太太有拗撬，指太太對其更改過的Rundown有意見，令他不滿：「我叫佢唔好理，佢嬲到走咗，但我都覺得自己唔掂，同太太要講聲對唔住。」

輝智指台慶表演環節上，會唱不同語言的歌曲定給觀眾驚喜，笑言自己亦是「跳舞擔當」將展示舞藝：「台慶我梗係主力跳舞，希望唔好趕客啦！（會請忠粉狄波拉嚟捧場？）會呀。」

另外，落選港姐葉靖儀偕訓練班學員及聲夢歌手，齊為台慶中的舞台劇綵排，她說落選後3年，主力在J2台任綜藝節目的主持，亦有參與拍劇，而早前就有機會在新劇《非份之罪》其中一個單位跟賴慰玲及鄧智堅兩位前輩合作，她說：「我係飾演少女，同佢哋一齊查案，要好用力去演呢個角色。（可接受性感演出？）都係睇劇本啦。（有邊位前輩想合作？）都係賴慰玲及鄧智堅呢兩位前輩。］