Edan否認與林明禎拍拖　搭膊頭出於Gentlemen

男團MIRROR成員呂爵安（Edan）早前與林明禎同遊意大利兼撐枱腳斷正。事後2人否認戀情，但男方公開認正追求大自己7年的林明禎。最近，又有網民在台灣夜市捕獲2人搭晒膊頭。

昨日（23日）呂爵安出席籃球比賽活動時表示︰「嗰個係我本人，但我哋唔係拍拖，畀啲空間我哋。下次我會換咗部相機，唔會再用，以免畀人認到。」他笑言該網友當時可以與他合照是沒有問題的，但不要偷影他們。

對於夜巿搭着林明禎膊頭還不是拍拖？他表示：「我Gentlemen啫。（會搭其它女仔？）唔會，我好專一嘅。（受公司壓力？）無。」對於昨日林明禎現身台灣時表現開心兼派心，疑似默認戀情，他則表示「我成日都去台灣，都有派心。」談到《叱咜》5強不入疑與脫粉有關，他表示：「唔關事，我去年都入唔到。」