東網電視
更多新聞短片
藝人裕美日前在社交網再唱衰男友林作，不過今次並非鬧他遲大到、借她過橋，添煩添亂，甚至用完即棄，而是不滿他「衰死蠢」。事緣和波友踢完足球的林作，相約裕美賽後食飯，不過只通知她見面地點在屯門，由於沒有詳情地址，兼且屯門地方頗大，已令做埋義務司機的她相當無言，忍不住直斥男友：「屯門你玩晒呀，依家？」
裕美知道講林作有流量。
都係多得裕美有題材畀佢拍片。
之後裕美忍住啖氣照駕車到屯門和男友會合，但追問男友可否提供詳盡的地址時，她表示林作的朋友Send了實時位置：「即係要我一隻手揸梗車，再用另一隻手放大個地點搵佢喺邊？」而林作更激到她紮紮跳，她說：「林作仲正，佢喺個地圖導航打咗個地址，再Cap圖畀我，佢係唔識Share條link畀我，（唔會）方便我一撳落去就可以（導航）搵到。」
為令其「天才男友」學識進步，不要再令她無心火起，她即在網上親教「天才男友」如何使用地圖導航的方法，但示範時就揀了目的地為青山醫院，明寸林作有「精神病」。以洩心頭憤。不少網民大讚她：「可以忍林作忍到今時今日，不愧為最佳女友。」
林作今次「死蠢」事係唔識Send導航link。
裕美直接叫佢去青山醫院。
