東網電視
更多新聞短片
台灣女星陳喬恩9月同馬來西亞老公Alan（曾偉昌），喺馬來西亞舉行浪漫海島婚禮，唔少圈內好友都特地抽空出席送祝福。然而，出名同陳喬恩交情甚好嘅謝娜卻未有出席，當時陳喬恩雖然晒出一張謝娜轉帳66666.66人民幣（約7萬1千港元）嘅利是，並搞笑道：「愛你我的辣，知道你努力的想辦法要來，但紅包來了，我也是很開心呀哈哈哈哈哈，6666666！」
好朋友結婚，竟然No Show。
不過都有包封大利是。
而日前受邀上節目嘅謝娜，亦難得公開透露冇去原因：「都已經準備好了，我的護照還有三個月到期，去馬來西亞他得是六個月，至少是六個月，然後那個時間上海又颱風呀甚麼的，反正就所有事情都錯過了。」直言係因為護照過期先冇去，未料隨着節目片段曝光，引嚟部分網友不滿，甚至認為換護照謹需1星期嘅時間，直言謝娜根本冇心：「這藉口有點…」、「還不如不解釋。」
謝娜解釋護照仲有3個月就過期，所以無法入境馬來西亞。
解釋完反而捱批。
