東網電視
更多新聞短片
美國網紅Skyler Simpson一直奉行若隱若現嘅路線。（互聯網）
家陣行性感路線嘅網紅真係勁多，為咗令自己脫穎而出，有人不惜全裸出鏡，但係咪一定要去到咁盡？查實露肉露得嚟若隱若現，反而令男人有更多幻想空間，就好似美國網紅Skyler Simpson，閒閒哋一張飛釘水着相已經可以獲得幾十萬個Like，問你服未！
熱愛健身
性感與暴露往往係一線之差，睇番現今網紅界，唔少靚女都靠上載性感寫真嚟吸引粉絲，但人人都咁做，點先可以突出自己？於是有人拍攝大尺度寫真，着得少布不特止，甚至一件衫都唔着！來自美國佛羅里達州城市坦帕（Tampa）嘅Skyler Simpson，就唔認為一味靠露肉就可以上位，所以一直奉行若隱若現嘅路線。
話說呢位美女自細有個夢想，就係成為一位健身教練，擁有一間屬於自己嘅健身室，根本冇諗過加入模特兒界，而為咗圓夢，早喺大學時期已考取到健身教練執照，又喺健身室兼職，務求累積工作經驗兼賺取生活費，結果喺健身室被星探發掘，經常一番商議後，終於抱住一試無妨嘅心態出道。
憑住迷人嘅外形，Skyler Simpson得到大量網民支持。（互聯網）
阿妹稍為露一露，粉絲已經叫好，又使乜去到盡！（互聯網）
若隱若現
憑住迷人嘅外形，Skyler Simpson一出道已備受注目，先後為多本時裝雜誌進行拍攝，又獲商品邀請拍廣告，發展相當順利。與此同時，佢一直有喺IG等網絡社交帳號分享健身靚相，所以順便上載埋自己做模特兒嗰陣拍下嘅性感相，結果引嚟網友熱烈回響，仲慢慢變成人氣女網紅。
Skyler Simpson話根據自己嘅觀察，網民嘅回應有個特點，每當見到敏感部位若隱若現嘅寫真，特別多人留意，尤其係着住比堅尼飛釘，閒閒哋有幾十萬個Like！明白到網民嘅喜好，Skyler Simpson喺社交網分享嘅靚相，性感極都唔會露到盡，果然坊間效果一如預期，人氣不斷攀升，IG粉絲仲喺短時間內突破百萬大關，仲有唔少粉絲加入佢嘅OnlyFans帳號添！
夢想成為健身教練嘅Skyler Simpson，身材弗到爆。（互聯網）
Skyler Simpson唔排除未來會解放胸前兩點，粉絲們要密切留意。（互聯網）
Profile
出生地：美國佛羅里達州
身高：175cm
三圍：34D-24-35
雖然靠性感寫真獲得過百萬粉絲支持，但Skyler Simpson暫未打算露兩點，究竟呢種若隱若現嘅玩法有幾正？一於登入其社交網見識吓吧！
