甄子丹籌備荷里活新作 拉線來港取景打旺電影業

新聞觀看次數:9.2k
香港時間
01月30日(四)
08:29更新00:00建立
東網電視
更多新聞短片
視頻觀看次數: 9.9k
「宇宙最強」甄子丹蛇年獻瑞,特別為《東網》讀者炮製「金箔鮑魚萬彩撈起」,祝大家蛇年大旺,風生水起!子丹將舉家到英國與兒子會合慶新春,之後便投入籌備荷里活電影《殺神John Wick 4》角色外傳電影,並計劃游說大隊來港取景,望香港電影同業生機處處,邁向國際!
一如往常的農曆新年,甄子丹最緊要一家團圓,由於兒子甄濟嘉(James)正於英國升學,故子丹完成工作後便舉家到當地,團聚度新歲。問子丹家中有甚麼傳統習俗?他笑說:「我哋好隨意,重點當然係一家人一齊食飯,呢啲家家戶戶都係咁,其他就好睇我哋一家人喺邊度,如果出咗去度假,就唔會話有乜嘢特別要做,喺香港嘅話,都係同親戚朋友拜年。(預咗幾多位數字利是?)呢啲交畀太太啦,總之最緊要人人開心!」
中國賀年食品種類繁多,英雄都難過「美食」關,子丹笑言對蘿蔔糕、年糕及賀年粉麵都「不可抗力」,惟有計住卡路里:「如果今日食多咗,第日就減少啲囉。(會唔會瘋狂做運動找數?)又唔會,因為我自小習武,經常做好多運動、體力輸出,所以我只要普通咁做吓運動就OK。」
子丹手上有不少工作計劃,新春後應該會先着手搞荷里活電影《殺神John Wick 4》盲人殺手「Caine」角色外傳電影,今次將會身兼導演的他,直言會游說劇組來港取景:「農曆新年之後會同電影公司開會,我希望佢哋其中一部分會喺香港取景,除咗可以推廣香港之外,仲可以令到香港電影從業員有更多機會,到時亦會叫香港演員嚟試鏡,希望造就本地演員打入國際市場嘅機會。」除了忙於自己的工作,子丹依然心繫香港影業,果然是「宇宙最強」!
有壓力更有動力
肖兔的子丹,蛇年要「慎防壓力」,即將自導自演新作,一聽都知壓力大,但他認為壓力等於動力,所以從來不覺得是負擔:「壓力其實一定要有,我成日都講,人需要壓力先可以不斷進步,去追求更高嘅目標,放鬆咗可能做嘢會Hea咗,所以我鍾意壓力,尤其做緊我最喜歡嘅電影,就更加覺得唔係一個負擔,雖然都會失眠,但主要係我不斷去諗點樣可以做得更好,令啲角色更精彩,所以都辛苦我太太,要幫我諗屋企嘢。」
甄子丹祝讀者身體健康,賺到笑!
甄子丹透露新春後應該會先着手搞荷里活電影。
甄子丹將游說新片大隊來港取景,為香港電影同業出一分力。
甄子丹希望造就本地演員打入國際市場嘅機會。
果然是「宇宙最強」!
一如往常的農曆新年,甄子丹最緊要一家團圓。
另外,子丹前晚為央視春晚任表演嘉賓,穿上紅色唐服的他率領數十名表演者於《筆走龍蛇》環節亮相,甫出場即齊齊耍太極,氣勢十足!除了打功夫,子丹亦有獻聲,贏得現場觀眾掌聲不斷,不少網民更大讚子丹歌喉不俗,打得又唱得!
甄子丹於春晚表演。
功架十足!
齊齊耍太極!
場地:中八會館@c8.central
好嘢
7
唔錯
8
撐呀
51
關鍵字
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。