東網電視
更多新聞短片
「馬國女神」林宣妤（Serene）在2017年參選《國際中華小姐》獲得亞軍後簽約TVB，但之後她一度離巢回流馬來西亞發展，不久又返香港簽經理人公司，更一度傳出懷孕。其後林宣妤曾爆Seed否認傳聞，直斥「無知的人群」，前年年底她突然公開一輯情侶寫真，疑似公開戀情，但她一直未有承認，但日前她在社交網限時動態晒出與男友的合照，高調放閃！
前年12月，林宣妤晒出一輯情侶寫真，2人互動親密，拖手攬攬又錫面，非常甜蜜！有眼利的網民認出男方是曾與林宣妤合作演出舞台劇《香港生死書》的劉俊堅，但林宣妤在回應戀情時就大耍太極：「哈哈，堅定流㗎，就要睇你自己點睇啦，哈哈。」
雖然兩人一直未有認戀，但就愈戀愈高調，不但頻頻大晒男友/女友視角靚相，今次2人更一起出鏡！相中所見，兩人對鏡自拍，劉俊堅搭着林宣妤膊頭，十分親密，看來兩人的戀情已浮面！
林宣妤絕對係女神級美女！
之前同劉俊堅拍過情侶寫真，但一直冇認愛。
今次晒正面照放閃。
仲一齊去旅行。
背景一樣。
真拍拖？
林宣妤真係360度零死角。
