東網電視
更多新聞短片
歌手周柏豪今日（10日）在九龍塘為港台新春團拜擔任表演嘉賓，近年轉戰內地發展的「大灣仔」柏豪大受歡迎，最近更登上春晚演出，他直言連老竇也覺得光宗耀祖：「春晚表演真係好大壓力，嗰晚同陳小春、張智霖合、汪明荃合唱，好少可以喺春晚唱粵語歌，好多網民都話係廣東人嘅光榮，自己都覺得能夠用廣東話唱鍾意嘅歌，同埋可以同咁組典嘅阿姐同台演出，係我今年最大嘅禮物。」
去年在內地舉行巡唱的他，今年將再在內地進行巡唱，亦有計劃在港開騷，因與歌迷有段時間沒有見面，本周將會在母校舉行小型歌迷會聚會，既見香港粉絲，亦為母校校慶增慶，亦透露今年會繼續出新歌，但指因為連自己也沒有CD機，大家也習慣上網聽歌，將不會推出實體CD，還透露正洽談在港拍攝工作，柏豪笑說：「老人家打開電視見唔到我，就覺得我冇咩做，過年仲封咗封大利是畀我，話少見我喺電視出現，驚我唔OK，咩都好做番啲嘢畀老人家睇。」
周柏豪最近更登上內地春晚演出。
周柏豪覺得係最大禮物。
一齊大合唱！
