東網電視
更多新聞短片
藝人游學修與鍾雪瑩合拍電影《看我今天怎麼說》「一鳴驚人」，兩位演員於早前的金馬獎交出亮麗成績表，尤其鍾雪瑩勇奪「金馬影后」殊榮。電影即將於香港上映，新年期間更舉行優先場讓戲迷先睹為快，台前幕後現身謝票場時觀眾反映熱烈，而日前兩位主角受訪時，鍾雪瑩更笑說：「有觀眾話特登買飛入場，係好奇要演成點先得到獎，我覺得多啲好奇就好啲人入場，唔好俾佢停呀！（對票房有壓力？）咁又冇，好開心每位觀眾睇完，都可以攞到啲嘢（得着）走囉。」
游學修與鍾雪瑩新片在金馬獎成績優異。
最近在香港舉行優先場讓戲迷先睹為快。
鍾雪瑩對於觀眾反應熱烈感開心。
不過笑言不會有票房壓力，希望觀眾睇得開心！
戲中二人同時扮演聾人，際遇卻截然不同，鍾雪瑩的角色家人原想她「學講嘢」，長大後才接觸手語，至於游學修則一直與家人以手語相處溝通。談到學習手語過程，兩人於開拍前都花足整年時間「備戰」，鍾雪瑩大讚拍檔要求高，要做到「完全融入」才覺得達標。今次有不少聽障人士參演，鍾雪瑩透露：「佢哋好鼓勵我哋用手語溝通，唔使理打（手勢）得好唔好，我哋係喺好歡樂嘅氛圍下完成工作嘅。」
二人同時扮演聾人，際遇卻截然不同。
游學修鍾雪瑩花足成年練手語，相當用心。
鍾雪瑩大讚拍攝氛圍好開心。
當被問到最難忘的拍攝日程時，鍾雪瑩表示：「甫開場交代我喺大牌檔初次接觸手語，即刻喜歡上呢種新事物，覺得好似細個被迫參加興趣班，但去到之後發覺好好玩一樣，另外有場浮潛戲，都拍得幾開心。」游學修則透露：「有場戲講我同屋企人打邊爐，煙霧瀰漫仲要用手語溝通，事前排咗好多次，嚟到現場手語翻譯又會一改再改，力臻完美。（好花時間喎。）其實喺外國拍戲都經常係咁，係好事嚟，只係喺香港就會講求成本效益啫，總括嚟講呢套戲我拍得既辛苦又幸福。」
鍾雪瑩大讚拍攝氛圍好開心。
游學修坦言呢套戲拍得既辛苦又幸福。
大家都力臻完美！
鍾雪瑩
Hair:Hillnex Lee
Make up:Cathy Zhang
游學修
Make up: Yvonne Yeung
Hair: Lupus Chui @O4
場地提供：The Mira Hong Kong
