東網電視
更多新聞短片
藝人朱慧敏12月先宣布為結婚3年嘅心臟科醫生陳良貴再次懷孕，估唔到今日凌晨（25日）佢就宣布細仔順利出世，湊齊一仔一女。佢晒出抱住囝囝嘅合照，幸福留言：「懷胎十月，從期待你的誕生到今天終於把你抱在懷裏，一切如夢幻般 感謝上天讓我再次經歷奇蹟 感恩我的寶貝、我的小天使健康、平安如約而至 你乖巧、懂事、愛笑，就連醫生、護士們都稱讚你是天使寶寶 親愛的兒子，我愛你 願你一生順心，健康地、愉快地享受這趟人生旅程 感謝你選擇我當你的媽媽 再為人母，請多指教 ♥️」
朱慧敏細仔順利出世喇！
見佢已經化上全妝，狀態大勇。
大讚囝囝係「天使寶寶」。
朱慧敏剛生完BB，狀態依然非常好，已經化上全妝抱住阿仔影相，即使身上仍然着住醫院病人服，佢都仲係精神又活潑，睇嚟今次生產過程非常順利。同時，佢仲晒出一家四口甜蜜慶生照，囝囝出世之餘，疑似仲係老公生日，依家「齊人」切Cake，畫面溫馨又有愛，令人羨慕。
似乎仲趕得切慶祝埋老公生日。
