东网电视
更多新闻短片
回归写真界嘅奥津玛莉莉，决定露出最私密嘅地方，令人期待。（互联网）
有啲女仔明明着晒泳衣，落水嗰阵依然有件T笠喺面，唔知系自信心不足，抑或觉得畀其他人睇到自己嘅身材会好蚀底呢？自问有条件杀入演艺界嘅美女，真系唔可以太保守，好似写真偶像奥津玛莉莉，为咗引起观众注视，就喺近期作出一次最暴露嘅演出。
青春有仙气
日本写真界有唔少人气女优系来自艺能界嘅年轻偶像，所以粉丝特别多，其中又以偶像团体＃2i2成员天羽希纯最好波同最出名！至于今日同大家见面嘅奥津玛莉莉，同样出身于美少女组合，虽然冇透露出生年份，但成个Look青春可人，散发出清秀仙气，加埋体形小巧，身高只得4呎11吋，比希纯仲要矮半个头，可爱程度有过之而无不及。另外，玛莉莉有一副鲜嫩婀娜嘅靓偈，心口一对F奶够晒睇头，仲要系质感天然兼白雪雪添！
加入写真界之前，阿妹以创作歌手身份踩入乐坛。（互联网）
佢参加选美活动仲攞埋冠军！（互联网）
选美攞冠军
奥津玛莉莉早喺2013年出道，但当时尚未加入写真界，而系以创作歌手身份踩入乐坛！原来阿妹自细锺意音乐同唱歌，曾加入少年乐团，参加过唔少音乐比赛，直至2016年参加咗由杂志举办嘅选美活动“夏☆一！美少女选举大奖”，获得冠军，于是顺势做埋写真偶像。近年玛莉莉以艺能组合“The Dance For Philosophy”嘅成员身份四围登台，写真演出少之又少，所以得知其最新写真集喺今个月推出，唔少粉丝都好雀跃，听讲佢会喺镜头前露出自己心目中最私密之处，就系屁股罅嘅一粒痣，究竟有几迷人，真系要拭目以待。
奥津玛莉莉体形小巧，但心口对F奶分量十足，正宗庙细灯笼大！（互联网）
外形细细粒嘅玛莉莉，有一张带有仙气嘅面孔，相当迷人！（互联网）
Profile
出身地：日本神奈川县
身高：4呎11吋
三围：33F-23-33
近期回归写真界嘅奥津玛莉莉，频频有新动作，留意其社交网，就会睇到唔少拍摄花絮，仲会知道佢嘅演出消息。
