東網電視
更多新聞短片
MIRROR 12子近期各有各忙，而在隊中「肌肉擔當」的Stanley，則在社交網撇低女友李炘頤（Alina）「午夜放毒」，指飛抵馬來西亞拍戲期間，難得有一日假期，所以決定盡情放鬆自己，一於在夜巿大開食戒，更要由美食街的街頭直掃到街尾，總之做最靚仔的「吃播」。
Stanley冇帶女友食好西。
Stanley好身材。
但Stanley咁食法，好易肥。
但香腸太吸引了。
奶昔又好味喎。
蝦麵更加不可錯過啦。
姜濤都應該好想食埋一份。
在Stanley的上載片中，頭帶笠帽、身穿白T裇跟普羅遊客無異，不過休閒打扮的他依然星味濃，零化妝下仲靚仔。而一向對身材嚴格管理的他，單拖試食了地道的金龍包、烤香腸、蠔煎、連蝦麵都打孖上，最放肆是連最致肥的蝦湯都照飲可也，還有試飲手打牛油果奶昔，搞笑是他拆飲管時，誤將飲管的尖位篤親自己「雞心」位，痛到他面容扭曲，他忍不住自嘲一番認「白癡」。
由於Stanley的食相太知味、夠療愈，不少網民大讚他「好有食力」，又留言謂：「原來睇你食嘢咁舒服」，亦有網民質疑他做戲：「係咪樣樣食晒，唔好呃人。」及有網民擔心他在馬來西亞長此下去，身形分分鐘追貼姜濤。
