東網電視
更多新聞短片
上海世界一級方程式（F1）中國大獎賽尋日（23日）正式舉行，內地近半個娛樂圈都去咗F1現場，大量車迷前來觀賽，當中就有演員鄧超孫儷一家、龔俊、台灣歌手周杰倫、林志穎等，令現場星光熠熠。
兩位不老男神周杰倫同林志穎難得合體，二人同戴上墨鏡，周杰倫仲搞笑上載合照並留言：「我是藤原拓海，我想加入你的車隊」周杰倫之前首登台北大巨蛋演出，造成轟動，當時林志穎則攜家帶眷朝聖，今次罕見同框，周董幽默說：「我欠你一首曲子，我有記得。」林志穎則幽默笑回：「真的要記得，大家截圖。」
周杰倫現身F1現場，謀殺唔少菲林。
佢同林志穎難得合體，仲搞笑話自己係藤原拓海。
講到明係要有新合作喇！
成為全場焦點。
而鄧超及孫儷則帶埋一對仔女現身，一家四口見到首位躋身F1嘅內地車手周冠宇，鄧超直接開啟追星模式，拉住周冠宇吹水，孫儷笑住喺旁邊望賽，三人同框畫面令熱度瞬間拉滿。
鄧超（右一）追星出盡力。
老婆仔女望到實，呢個爸爸真Funny。
