東網電視
更多新聞短片
台灣女星大S（徐熙媛）猝逝，佢同前夫汪小菲嘅一對仔女依家由汪小菲撫養，依家一對仔女跟實汪小菲同後母Mandy周圍去，尋日（23日）更被發現嚟咗香港玩，畫面被指溫馨。有多位網友喺香港廟街偶遇汪小菲一家，當中就見到佢同現任太太Mandy、一對仔女、家中兩個保母及司機，浩浩蕩蕩咁掃街狂食。
汪小菲（左一）被發現同一對子女嚟香港玩。
網友大讚汪小菲一家四口顏值好高，行街時又一家人互相分享小食，掃完一間到一間，網友亦指阿仔「小箖箖」望落好活潑，係咁食牛雜，眾人望落關係非常好，係有愛嘅一家人。
好多網友都見到佢哋一行多人掃街。
網友指阿仔「小箖箖」好活潑。
一家四口互相Share嘢食，關係夠Close。
一家人非常有愛。
早前有傳出原本汪小菲同Mandy 5月要喺北京舉辦婚禮，如今疑照常舉行，更透露汪小菲家人們都會飛去參加。根據友人透露，將會舉辦於四合院類型嘅酒店中，算係小型親友家宴。
