東網電視
更多新聞短片
藝人蕭正楠近日榮升老竇，除了忙於照顧太太黃翠如及BB外，工作亦不敢怠慢，接連開騷密密搵奶粉錢。下月他將飛到雲頂跟馬國明、陳山聰、龔嘉欣等舉行拼盤騷，5月則聯同好兄弟曹永廉到內地順德開騷，門票昨日預售。身為男團「Hey Brother」成員的曹永廉，跟隊友李思捷、黃智賢及麥長青在社交網上載搞笑片段宣傳順德騷，4人正在打邊爐，阿廉一副煩惱樣，並表示：「我同阿蕭5月有個演唱會，佢依家又要湊細路，又話要餵奶，好多嘢搞，我依家擔心緊。如果你哋OK，每人一百幾十拆掂佢。」並搞笑向阿蕭放話：「你嚟唔到唔使驚，你去餵奶，我仲有幾個人喺度。」
蕭正楠忙做奶爸外，將與曹永廉開騷搵奶粉錢。
蕭正楠剛剛榮升做老竇，恭喜晒！
曹永廉拍搞笑片為順德騷宣傳。
一齊打邊爐！
