東網電視
更多新聞短片
今時今日叫外賣可謂十分普遍，貪其方便快捷兼乾手淨腳，不過藝人江嘉敏（Kaman）卻因為叫外賣而氣得一肚火。她日前在社交網發文宣洩，寫道：「都唔知好嬲定好笑，今日叫外賣，送遞員喺App度話係咁敲門㩒鐘冇人應，所以放咗喺門口就閃人。」
她坦言覺得奇怪，因自己一直坐於客廳中等待，卻又甚麼聲音也沒聽過，當然打開門也沒有見到任何東西放在外面。她隨即以該外賣程式通知客服，但對方卻表示送遞員已經將外賣送達，更提供一張外賣放在門外的照片作證明，她續説：「但係張相唔係我屋企個門口，客服不斷叫我睇清楚個外賣係咪門口，我真係忍唔住企咗喺自己屋企門，影咗張自拍送畀客服，同佢講真係冇收到個外賣！再好清楚咁表達畀佢知，送遞員張相個門口並唔係我屋企門口！」結果Kaman唔忿氣下開始「洗樓」，結果仍是得個吉，她笑謂：「意外收穫係，今日運動量達標啦。」相當阿Q精神。
個外賣已經放咗喺門口？
搵極都冇，嬲到要去洗樓。
結果仍係得個吉，餓。
