東網電視
更多新聞短片
無綫藝人麥美恩最近相當「惹火」，早前歌手方皓玟因過瘦令網民懷疑她有厭食症，更誤會麥美恩發文影射她，事後方皓玟主動言想認識她，但遭麥美恩以怕醜及被嚇親拒絕，不過方皓玟並不收手，事後於社交網再發文暗寸麥美恩，指要求做朋友只是出於禮貌，叫她不要太認真，事後麥美恩都沒有就此事回應，免得愈講愈煩。
前日，有網民以不開名出PO，內容自稱自己以前於無綫做過助理編導(PA)，指TVB姓麥好嘈嗰位女士，本身都冇乜禮貌，行內人好多都唔鍾意佢，但係佢就覺得自己好似鬱鬱不得志，又唔知自己寸嘴兼大聲，想當年連佢個好拍檔周XX，都話佢塊面大過pizza，不過唔知點解依家啲人成日話鍾意佢真性情，講出嚟真係笑大人個口。
自稱係前助理編導(PA)嘅網友爆料，狂鬧麥女士冇禮貌、冇人緣。
疑似矛頭直指麥美恩。
好拍檔周XX疑似係指周奕瑋。
貼文一出，麥美恩居然自我對號入場，更留言：「吖啊！你開全名啦！」嚇到那位網民即刻刪除了貼文，不過當中雖然亦有人表示不喜歡麥美恩，但亦有人留言力撐她，指她做主持專業，見過佢真係好Nice，好有禮貌，麥美恩都有留言多謝。
麥美恩夠晒大方，留言叫對方應該開全名。
多位網友出口力撐麥美恩。
之後，向來與麥美恩非常老友的吳若希、駱胤鳴及疑似「周XX」的周奕瑋都於社交網發文為她護航，周奕瑋留言︰「其實，pizza係三角形㗎。」吳若希則表示︰「無做過PA，我認同TVB姓麥果個好L嘈！唔好畀佢知你全名，佢離9丈遠都會大叫你全名同你打招呼～好有禮貌～～～但其他嘢就唔認同～」而駱胤鳴則留言：「可能TVB做過PA係流量密碼？但人生唔可能永遠靠流量生存，都係靠平時做人修為啦，與人為善，做多啲好事，有禮貎，幫到手，終有日會有福報嘅。」
駱胤鳴貼文
吳若希力撐麥美恩。
