東網電視
更多新聞短片
緬甸今日（28日）下午發生黎克特制7.9級地震，震源深度30公里，接壤緬甸嘅中國雲南省昆明和大理、泰國首都曼谷、清邁等地震感強烈，更有建築物倒塌。近年移居泰國曼谷的羅敏莊，於地震後在社交網拍片報平安，她對於地震感到非常驚慌，表示：「成間屋震晒，真係唔係講笑，驚到手依家震緊，都唔知會唔會死，依家拍定條片先。」之後她亦有上傳一條片，看到大廈響起警鐘，人們紛紛離開寓所到街上避難。直到晚上9時許，她再分享片段向大家報平安，她接受東網訪問，她謂:「我依家啱啱先返到上樓，因為之前有餘震，都唔畀我哋返上去，不過出面啲交通好塞，所以我個女都未能夠返到屋企，一陣我要再落去等佢。」
而在港工作的陳國邦接受東網訪問時表示已聯絡上身在泰國的太太羅敏莊，他表示未有太擔心，指當地都有措施疏散人群，但由於通訊關係，還未聯絡上在已返學校的女兒，但他謂應該都不會太擔心，又透露羅敏莊現到街上，等待進一步消息。
羅敏莊驚自己會死。
羅敏莊感到好驚慌。
人們紛紛離開寓所到街上避難。
不少人打電話報平安。
陳國邦未有太擔心。
羅敏莊拍片向大家報平安。
另外，去年到了泰國曼谷學廚的陳鍵鋒，亦在社交平台分享自拍照報平安，相中所見他在街頭揸機自拍，表示：「多謝大家關心，報個平安。」相中可見他身後有數人坐在路邊，街上亦有人㺺身，未見慌亂情況，看來已回復穩定狀況。
陳鍵鋒報平安。
陳鍵鋒去年到了泰國學廚。
另外，內地頂流小花虞書欣正身在泰國，與小生何與拍攝新劇《雙軌》，佢早兩日先到達曼谷機場，更獲大批粉絲接機，點知今日當地就受緬甸7.9級地震波及。日前先喺社交網發過於當地飲飲食食嘅相，粉絲都為其安全大感擔心，其工作室即急急發文報平安：「感謝大家的關心與問候，目前藝人一切平安，請不要擔心。也提醒大家注意餘震防範。」粉絲見狀都放下心頭大石，表示女神平安就好，希望佢稍後嘅劇組工作一切順利，可以盡早返中國。
虞書欣正身在泰國拍劇，唔好彩遇上緬甸地震波及。
早兩日虞書欣抵達曼谷機場，獲大批粉絲接機。
工作室亦即報平安。
粉絲都希望佢快啲拍完快啲番。
近日佢先上載過當地飲飲食食嘅相。
平安無事！
