東網電視
更多新聞短片
藝人陳淽菁、簡淑兒、孫慧雪、敖嘉年、陳婉衡，昨晚（28日）出席HOY TV全新節目《他鄉的煮人》首映晚宴。節目走訪世界各地，尋訪當地生活的香港「煮人」，如何為香港味道的堅持與故事。
提到男友麥大力榮升正機長，簡淑兒感謝大家祝賀。
至於簡淑兒被問到男友麥大力正榮升正機長後，會否順勢拉埋天窗，來個喜上加喜？她先感謝大家對男友的祝賀，笑言若有喜訊一定會通知大家，問到二人是否已有共識？她坦言自己對人生大事有一定要求，自認需要儀式感：「我唔鍾意坐定定傾吓幾時結婚。（男友要下跪求婚？）當然要，話唔使嗰啲都係呃你，哈哈！」她笑指雖然有不少朋友替她擔心，指機師生活多姿多采，很容易受到引誘，不過她坦言男友外表看似花花公子，但其實內心很單純：「佢嘅人生就只係圍繞住工作同飛機，好多時同我傾偈都係講呢啲，有時我會聽唔明，但又要扮明，哈哈！」她又對男友投下百分百信心，笑指男友話題離不工作與飛行，相信也很難吸引其他異性。
問到會否喜上加喜結婚，她就表示自己對人生大事有一定要求。
同場的孫慧雪被問到經常遇上問題外傭，她笑稱自己可能是「姐姐黑星」，她説：「之前有個姐姐突然消失咗，然後有執法部門打嚟話工人姐姐洗咗過百萬黑錢，通緝緊佢，真係好誇張，然後我請緊人嘅時候，我屋企另一個姐姐突然話搵到個有錢人嫁啦，唔做啦！」她無奈表示禍不單行，正在經中介公司聘請的外傭原以應承上工，但近日卻突然表示不來了，令她相當頭痕：「覺得算啦，個天想我自己湊返。」
她表示現時已將手上工作盡量延遲，騰出時間照顧小朋友。笑問她有否想過打破宿命，自己開中介公司？她笑指的確也想過，因為近來到處找人介紹外傭，結果認識了不少外傭：「我老公真係有講過，與其畀錢人賺，不如自己開一間。」另談到她上月悉心打扮現身馬場拉頭馬，被指榮升馬主，她立即耍手擰頭，笑稱老爺才是真正馬主，自己跟老公只是去叨光，又大呼冤枉，指爸爸和身邊朋友事後埋怨她沒有提早給予貼士，笑指自己當時也忘記投注：「贏返嚟嘅獎金都冇我份㗎。」
孫慧雪自爆遇問題外傭。
