東網電視
更多新聞短片
。
港產大熊貓龍鳳胎「家姐」、「細佬」得人鍾意，最近仲獲男團MIRROR成員姜濤及Ian做佢哋契爸，二人近日去探「家姐」、「細佬」時，就可以近距離觀賞兩隻龍鳳胎熊貓，隔住玻璃同佢哋互動，當中更發生驚人小插曲，姜濤望望吓竟主動要求想試吓熊貓食嘅竹葉，更親自「品嘗」生竹葉，真係餓起上嚟咩都食！姜濤還問Ian會否一嘗竹的滋味？Ian即搞爛Gag：「今朝食咗瘦肉粥！」
姜濤以契爸身份去探「家姐」、「細佬」。
Ian都有份見證姜濤食竹。
真係擺入口。
佢喺熊貓館睇「家姐」、「細佬」時，突然向在場工作人員表示想試吓啲竹葉係咩味，更獲分配媽咪「盈盈」同款嘅新鮮竹葉。佢收到竹葉時大讚好有水分，已經想即刻擺入口，不過都「忍口」先同大家形容竹葉香味，指同大家平時聞到嘅蔬菜味好唔同，有一種獨特清香味，到真正擺入口時，就指同食沙律差不多：「其實ok嘅，有啲苦澀味，當沙律咁樣。」不過事後就見到佢多次露出慘樣，並將竹葉吐出，真係自己整蠱自己，非常好笑。
佢話有聞落好清香。
最後都係食到咁嘅樣。
Ian親眼望住，係咁問佢有咩感受。
粉絲有得親眼見證「奇觀」。
