東網電視
更多新聞短片
內地女星楊冪2014年為前夫劉愷威產下一女「小糯米」，愛女一直交由前老爺劉丹在港照顧，楊冪亦曾被發現低調赴港探愛女，惟佢貴人事忙，甚少同小糯米互動，令人好奇佢同阿女嘅母女感情。直頭尋日（27日）楊冪終於再被網友於香港高鐵站偶遇，以標誌性休閒穿搭現身香港西九龍高鐵站，身穿寬鬆上衣搭配棒球帽、口罩，紮潦草馬尾，因身形纖細與獨特氣質被路人認出。
楊冪從來都冇公開過同囡囡合照。
楊冪被發現尋日以休閒穿搭，現身香港西九龍高鐵站。
目擊者稱其步履匆匆趕車，但未主動打擾，網友都推測此行主要目的係探望小糯米，更估佢係專揀金像獎頒獎當日嚟香港，成功避開被傳媒發現蹤影嘅機會。不過好快楊冪就被發現，隨即已返長沙錄節目，佢仲係着住同一套裝束，衫都冇換就要趕開工。而此偶遇亦引發「#香港高鐵站偶遇楊冪#」等話題登上熱搜。
夜晚就着同一套衫返長沙。
一日趕兩場，真係好忙呀。
雖然佢避得過傳媒，不過都避唔過身邊嘅網友。
