東網電視
更多新聞短片
近期一單「80後夫婦靠自身努力成功上車」的新聞引起全城熱話，紛紛討論這個瘋狂樓市下的勵志故事。除了夫妻二人合力買樓鼓勵人心外，女主角「肯捱肯做」的性格亦惹人關注。
近日，有網民在討論區開帖，有所感慨地指「娶一個肯為男人捱麵包儲首期及不用擺酒結婚的老婆」機會率好低，有持相同意見的網民立即回應，直指在香港肯捱的女仔「萬中無一」﹑並搞笑比喻這種女仔為「瀕危物種，買少見少」，更有網民表示雖然現時樓價高企，但「買樓唔難，搵好女仔極難」，另一些網民似乎感同身受，表示「只能講句恭喜，我就冇份」，並慨嘆「幻想係美好，現實係殘酷」，真是聞者心傷。
不過，不是人人都認同好女仔「絕種論」的。聽到其他留言者話自己遇不到好女仔，有「幸運」網民即時「曬命」，表示「我女朋友也是這樣，好好的女人」﹑「有個肯捱的老婆」，實行要令一眾未遇到真命天女的網民羨慕。亦有人藉此機會替常被冠以現實「港女」之名的香港女仔平反，表示「香港好多女仔都肯捱」﹑「我有很多女性朋友都肯捱同儲錢，所以唔好講到港女甘衰先得」，咁又有道理呀，有時遇不到不代表沒有，都要睇你彩數。
其實，正所謂物以類聚，遇不到好伴侶的有沒有諗過可能是自身質素問題呢？難怪有網民話「咩質素的男人，遇到咩質素的女人」，亦有網民指出場合的重要性，認為「(做)義工大把女仔係咁(好)，不過男人好少咁蝕底肯做義工，識唔到都唔出奇」，於是引來留言嘲笑此乃港男「斤斤計較的下場」，所以想識好女仔的男士注意喇，網民教路得閒做多啲義工，把握機會。
說到尾，有時緣分天注定，不是「想就有」，就好似網民話齋「命裏有時終須有，命裏無時莫強求」，各位男士，共勉之。
