東網電視
更多新聞短片
旺角朗豪坊醫學美容中心旗艦店。
1/3
醫思醫療(02138)今日開始招股，為咗豎立專業醫學美容形象，特登邀請大家參觀旺角朗豪坊醫學美容中心旗艦店。仲搵咗公司市場推廣部高級經理鍾嬋佳(Maggie)沿途講解2層全層、總樓面面積約3.81萬平方呎嘅各諮詢室、醫學諮詢室等分布。
醫思旗下Dr reborn曾發生美容事故，Maggie直言，事件發生後無影響客戶對前線銷售或醫生的信心。家陣75%客戶都係2年或以上嘅舊客，亦多咗男士有美容需求。好似連公司CEO鄧志輝都有試做脫毛療程，想慳返朝早剃鬚時間咁話。不過，星級分析員、公司獨立非執董陸東就暫時未有呢方面嘅要求。
可能係異性相吸關系，唔少女士都喜用男性顧問，但係現時公司大部分人員都係女性為主，仲9成以上都有用過公司療程。即時更介紹埋近期大熱嘅DR REBORN聚焦超聲波緊緻提升療程，仲話代言人溫碧霞都鍾意用，又透露溫碧霞多數都嚟幫襯旺角旗艦店，熟客做開treatment記得望多2眼啦。
─ ─ ─ ─ ─ ─ ─ ─ ─ ─ ─ ─
想領悟更多理財智慧，富足一世？即刻click入「致富智庫」
