東網電視
更多新聞短片
沈大師、沈振盈係股評界大把fans，最新佢......Sorry係佢間公司，訊匯證券有新動向。
協盛協豐(00707)公布，計劃向訊匯金融集團，收購目標公司萬方國際有限公司全部股本的60%。而這間萬方國際，就係全資擁有訊匯證券。而作為訊匯證券台柱的沈大師，平時分析人地嘅deal就多喇，今次輪到自己公司，佢又點睇呢？
沈大師就指佢喺呢間公司頭尾都15至16年，後期因取消最低佣金、競爭等而將業務規模收縮。佢又話，呢次機會有新資金入股，可能未來發展上會進取一點。「我老闆可以用一個好嘅價錢，賣出部份股權出去。另外，他亦年紀大，我覺得都會係開心。」
不過作為大師嘅fans，最關心梗係佢嘅去留問題啦！佢就坦白講，對於自己位置都無擔心
，雖然話怕有中年失業危機，但以現時嚟講要再找一個地方工作，亦不是難事喎。
話時話年頭大師預測市況時，又有冇算出呢單deal呢？
─ ─ ─ ─ ─ ─ ─ ─ ─ ─ ─ ─
「東網Money18」fb專頁：有討論、有分析，齊來FUN享，贏盡●你Like
