3個90後搞網貸 uFinance攻大學生市場

20160630
東網電視
更多新聞短片

趁sem break去旅行鬆一鬆,成為不少大學生的指定動作,但若然遇上「乾塘」,點算?3位90後大學生看準這批年輕人的財務需求,遂成立借貸中介平台uFinance。從今年4月至5月,收到60多宗去旅行的貸款申請,當中成功個案有23宗,共借出約70萬元,平均每人借3萬元。

創辦人之一黎子謙(Stephen)表示,申請借錢去旅行被拒,主要是申請文件不齊全,例如欠缺收入證明、身份證證明文件等。但文件齊全並非代表一定有錢借。

另一創辦人許迪(Ricardo)表示,會視乎申請人的GPA、就讀的學校、學科,以及該學科的就業前景4大準則,從而決定「批定唔批、批幾多、以及還款利率」。Ricardo表示,一般而言,大學生借貸金額是3萬元左右,但前提是同學們需要有收入證明,暫時不接受零收入人士的申請。

大學生生活要更多姿多采,難免要花錢,但並非每個大學生都含住金鎖匙出世;沒有父幹,惟有努力工作。uFinance三位90後創辦人,同樣經歷過大學生涯,深明大學生遇上財務需求但又缺渠道的苦況。所成立的網上借貸中介平台就是為借貸人和投資者提供出路,借貸年利率是8至15厘。

平台現時吸引不少年輕大學生借錢,Ricardo表示,到平台求助的學生哥,主要面臨4大財務需求,第1位是去旅行,第2位是去交流,另外是還卡數及交學費。

Stephen在大學期間想到蒙古交流1個月,但未計其他花費、單單是報名費要8,000元,對於只有數千元身家的他,根本無力應付有關開支。

「我屋企非富裕,同埋讀大學喇,就唔想再問屋企人攞錢」,Stephen平日有補習及在餐廳兼職,月入3、4千元,但要應付宿舍,及交學費等開支,所以當去交流時「一次過嘔畢錢就無」。

現時立法會正諮詢監管貸款中介人公司,對此,Stephen指:「諮詢過法律意見,我哋貸款資金來源並非一間公司,而是個人借錢(P2P),所以唔使領牌(放債人牌照)。」不過,他表示,正計劃同時尋找銀行或合法財務公司為合作夥伴,作為放貸方,借錢予大學生。

借錢最驚畀人走數,Stephen表示,平台暫時未有壞帳的情況。但如果還款人遲還款,會收到短訊、電郵和電話提醒,有合理解釋可以獲得15日寬限期,否則有相關的罰款。

此外,平台亦接受創業的貸款申請,希望幫到「自己人」(初創企業)。Stephen表示:「會借錢畀數碼港同科學園裏頭培育嘅公司,(數碼港同科學園)有筆錢俾佢哋實報實銷用嘅,但係筆實報實銷款項係你一定要洗咗筆錢先,攞單再claim(報銷)錢。對於startup(初創公司)嚟講,前期可能冇咁多錢俾佢哋使。」

uFinance已計劃衝出香港,擴展到不同的地方,包括中國、台灣、新加坡和東南亞等地,不過現階段要先處理好當地所涉及的法律問題,最快年底有望在其他地方登陸。

─ ─ ─ ─ ─ ─ ─
「致富智庫」領悟理財/職場智慧,一Click改變一世
http://money18.on.cc/wealth

「東網Money18」fb專頁:有討論、有分析,齊來FUN享,贏盡●你Like
http://www.facebook.com/money18