東網電視
更多新聞短片
喺Azimut官網所見，佢哋出品嘅遊艇艘艘都唔嘢小，理文啲員工真係有福喇！
理文造紙(02314)今日公布，用7,020萬元買咗架意大利遊艇返嚟，話畀啲員工娛樂用或其他社交活動喎！
呢架遊艇來頭唔小，係世界十大豪華遊艇品牌阿茲慕(Azimut)出品。聽聞，理文造紙平時都有租開架遊艇嚟見客同搞員工活動，今年推出自家紙巾品牌之後，更加用多咗。今次公司咁大手筆對啲員工，幾咁窩心。
再睇，架艇原本係理文造紙控股股東李運強嘅(即是主席李文俊父親)，李運強自己當初用1.02億元買返嚟，依家架遊艇估值就係7,800萬元。今次上市公司出現金收咗大股東架遊艇，公司解釋話，由租變擁有可以更好掌握成本。嗯，員工梗開心，唔知股民又收唔收貨呢？
─ ─ ─ ─ ─ ─ ─
「東網Money18」全新功能「板塊追蹤」，助你分析抓緊投資先機http://money18.on.cc/info/liveinfo_industry.html
「致富智庫」，領悟理財/職場智慧，一Click改變一世
